2009, ജൂലൈ 9, വ്യാഴാഴ്‌ച

സ്വവര്‍ഗ്ഗാനുരാഗവും ശാസ്ത്രവും: സൂരജിന്റെ നിരീഷണങ്ങളോട് ചില വിയോജിപ്പുകള്‍

സ്വവര്‍ഗ്ഗ ലൈംഗികതക്ക് ശാസ്ത്രത്തില്‍ തെളിവുണ്ടെന്ന് സ്ഥാപിക്കാന്‍, പ്രസിദ്ധ ബ്ലോഗറും, നീരീശ്വരനുമായ ഡോ:സൂരജിന്റെ സ്വവര്‍ഗ്ഗ ലൈംഗികതയുടെ ശസ്ത്രം എന്ന പോസ്റ്റിലിടാന്‍ എഴുതിയ ഒരു കമന്റാണിത്. അല്പം നീണ്ടു പോയതു കൊണ്ട് ഒരു പോസ്റ്റാക്കി ഇവിടെയിടുന്നു.


ഒരു രാജ്യത്തിന്റെ മഹത്വം അളക്കപ്പെടുന്നത് അത് കൂട്ടിവയ്ക്കുന്ന ഭൌതികസമ്പത്തിന്റെയോ സാംസ്കാരിക പൈതൃകത്തിന്റെയോ പേരിലല്ല, മറിച്ച് സമൂഹത്തിലെ അവശരെ അതെങ്ങനെ സംരക്ഷിക്കുന്നു എന്നതിലാണ് ... ലേഖനത്തിലെ തുടക്കത്തിലെ ഉദ്ധരണിയാണിത്.

സൂരജിന്റെ ലേഖനം കൊള്ളാം!. നല്ല കെട്ടുറപ്പുള്ള ലേഖനം. പലതിനോടും എനിക്ക് യോജിക്കാന്‍ കഴിയില്ലെങ്കിലും..

പ്രകൃതി വിരുദ്ധമായ രീതിയില്‍ പുരുഷന്‍ പുരുഷനുമായോ സ്ത്രീ സ്ത്രീയുമായോ മനുഷ്യനും മൃഗവുമായോ ലൈംഗികത പുലര്‍ത്തുന്നത് നിയമ വിധേയമാക്കുന്നതും മുകളില്‍ പറഞ്ഞ ഊദ്ധരണിയും എങ്ങിനെ ഒത്തു പോകുമെന്ന് മനസ്സിലാകുന്നില്ല.

സൂരജിന്റെ ലേഖനം സത്യത്തില്‍ പാശ്ചാത്യ നവ ലിബറല്‍ ചിന്താഗതിയുടെ ഉല്പന്നമാണെന്ന് കണ്ടെത്താന്‍ വലിയ പ്രയാസമൊന്നുമുണ്ടാവില്ല. അത്തരം ചിന്താഗതിക്കാര്‍ക്ക് ഈ ലേഖനം തീര്‍ച്ചയായും ഒരാശ്വാസമായിരിക്കുകയും ചെയ്യും.

അവശയതയനുഭവിക്കുന്ന, ചേരികളിലും ഗ്രമാങ്ങളിലും ജിവിക്കുന്ന ജനംസംഖ്യയുടെ പകുതിയോളം വരുന്ന ദരിദ്ര ജനകോടികള്‍ എങ്ങനെ സംരക്ഷിക്കപ്പെടുന്ന് എന്നതിനനുസരിച്ചായിരിക്കണം ഒരു രാജ്യത്തെയും ആരാജ്യത്തെ ഭരണയന്ത്രത്തെയും വിലയിരുത്തേണ്ടത്. മുകളില്‍ താങ്കള്‍ സൂചിച്ച വാചകവും അതിന് വേണ്ടിയുള്ളതാണ്. അല്ലാതെ രാജ്യത്തെ അധാര്‍മ്മികതയിലേക്കും കുടുബ വ്യവസ്ഥയുടെ തകര്‍ച്ചയിലേക്കും നയിക്കാന്‍ സാധ്യതയുള്ള ഏതാനും ചില മനോവൈകല്യങ്ങളെ സപ്പോര്‍ട്ട് ചെയ്യാന്‍ വേണ്ടി ഈ ഉദ്ധരണി പ്രയോഗിച്ചത് തീര്‍ത്തും അസ്ഥാനത്താണെന്ന് പറയാതെ വയ്യ.

താങ്കള്‍ ഈ ലേഖനത്തില്‍ സ്ഥാപിക്കാന്‍ ശ്രമിക്കുന്ന സംഗതികള്‍ എന്തോക്കെയാണെന്ന് നമുക്കൊന്ന് പരിശോധിക്കാം.

1) സ്വവര്‍ഗ്ഗാനുരാഗത്തെയും സ്വവര്‍ഗ്ഗ ഭോഗത്തെയും കുറിച്ച് പുരോഹിതന്മാരും മൊല്ലാക്കമാരുമടങ്ങുന്ന മത സമൂഹം വെച്ചുപുലര്‍ത്തുന്ന ധാരണകള്‍ മുഴുവന്‍ തെറ്റാണ്.

>> സ്വവര്‍ഗ്ഗാനുരാഗത്തെയും സ്വവര്‍ഗ്ഗ രതിയും മതങ്ങള്‍ സമീപിക്കുന്നത് തികച്ചും ആത്മീയമായതലത്തില്‍ നിന്നാണ്. ഇത് ഒരു കുറ്റകൃത്യം എന്നതിലുപരി പാപകര്‍മ്മമായിട്ടാണ് മതങ്ങള്‍ ഇതിനെ കണക്കാക്കുന്നത്. ഭൌതീകമായ തലത്തില്‍ നിന്ന് മാത്രം കാര്യങ്ങളെ കാണാന്‍ ശ്രമിക്കുന്ന ഒരാള്‍ക്ക് മൊല്ലാക്കമരും പുരോഹിതന്മാരും പറയുന്ന കാര്യങ്ങള്‍ ഉള്‍ക്കൊള്ളാന്‍ സാധിക്കില്ല എന്നത് ശരിയാണ്.

2) സ്വവര്‍ഗ്ഗ രതി പ്രകൃതി വിരുദ്ധമല്ല. കാരണം ചിലമൃഗങ്ങളും മറ്റു ജീവികളും പ്രകൃതിപരമായിത്തന്നെ സ്വവര്‍ഗ്ഗാനുരാ‍ഗികളാണെന്നത് പഠനങ്ങള്‍ തെളിയിക്കുന്നു.

>> തികച്ചും ബാലിശമായ പഠനങ്ങളും വാദങ്ങളും. മൃഗങ്ങള്‍ പ്രകൃതിപരമായി തന്നെ നാണമില്ലാത്തവയാണ്. അത് കൊണ്ട് നാളെ ചിലര്‍ പൊതുസ്ഥലത്ത് ലൈംഗിക കേളിയില്‍ ഏര്‍പെട്ടാലും തുണിയുരിഞ്ഞു നടന്നാലും അതും പ്രകൃതിപരമാണെന്നു വാദിക്കാം. അല്ലെങ്കില്‍ ശാസ്ത്രീയ ഒരു പഠനം നടത്തി, നാണം ചില മൃഗങ്ങള്‍ക്കുമുണ്ട് എന്ന് സ്ഥാപിച്ച് അത് കൊണ്ടാണ് മനുഷ്യര്‍ക്കും നാണമുണ്ടായത് എന്ന് വാദിക്കാം. ഓരോരോ പഠനങ്ങളും റിപ്പോര്‍ട്ടുകളും..

പ്രകൃതി പരമായി മനുഷ്യന്‍ എന്താണോ അതാണ് മനുഷ്യന്റെ പ്രകൃതം. അതിനെതിരായിവരുന്നതെന്തും മനുഷ്യനെ സംബന്ധിച്ചേടൊത്തോളം അസ്വാഭാവികവും പ്രകൃതി വിരുദ്ധവും തന്നെയാണ്. പഠനനങ്ങള്‍ നടത്തിയവയവരെല്ലാം അവവരുടെ ചിന്താഗതിക്കനുസരിച്ച് ചില അനുമാനങ്ങളും നിരീക്ഷണങ്ങളും നടത്തി എന്നല്ലാതെ ഇതൊരു സാര്‍വ്വ ലൌകിക സത്യമാണെന്ന് ആരും വാദിച്ചതായി താങ്കളും എവിടെയും സൂചിപ്പിച്ചിട്ടില്ല. വോട്ടിനിട്ടാണ് പോലും ഇതൊരു മനോരോഗമല്ലാ എന്ന് തീരുമാനിച്ചത്.. കൊള്ളാം നല്ല തമാശ.

3) സ്വവര്‍ഗ്ഗാനുരാഗികള്‍ എന്ന് പറഞ്ഞാല്‍ സ്ത്രൈണ ഭാവമുള്ള പുരുഷനന്മാരെ കുറിച്ചാണ് എന്ന ധാരണ ചിലര്‍ക്കുണ്ട്. എന്നാല്‍ ഇവര്‍ വളരെ ചെറിയ ശതമാനമാത്രമാണ്.

>> ഹോമോ ആയ പ്രസിദ്ധരായ പലയാളുകളും ഉണ്ടായിരുന്നു എന്നാണ് പറയപ്പെടുന്നത്. അവരാരും മുകളില്‍ സൂചിപ്പിച്ച സ്ത്രൈണ ഭാവമുള്ളവരായിരുന്നില്ല. ഒരു ലിസ്റ്റ് ഇവിടെ കാണാം . അത് കൊണ്ട് തന്നെ അങ്ങനെയൊരു തെറ്റിദ്ധാ‍രണയുണ്ടെങ്കില്‍ തന്നെ വിരലിലെണ്ണാവുന്നവര്‍ക്ക് മാത്രമേ ഉണ്ടാവാന്‍ തരമുള്ളൂ.

4)ഇന്ത്യക്കാരെല്ലാം അടഞ്ഞ സമൂഹത്തിലാണ് ജീവിക്കുന്നത്.

>> ഇത് കലക്കി. സ്വവര്‍ഗ്ഗ രതി നിയമ വിധേയമാക്കുന്നതോടെ ഇതല്പം തുറക്കും എന്ന് നമുക്കാശിക്കാം അല്ലെ :)

5) സ്വവര്‍ഗ്ഗാഭിമുഖ്യം സാമാന്യനിയമങ്ങളുടെ ഒരു അപഭ്രംശമല്ല മറിച്ച്, തികച്ചും ജൈവികമായ അനേകം സ്വഭാവവിശേഷങ്ങളിലൊന്നു മാത്രമാണെന്ന് പ്രാഥമിക പഠനങ്ങള്‍ ഇതിനോടകം വ്യക്തമാക്കിയിട്ടുണ്ട്.

>> അത് കൊണ്ട് മനുഷ്യന്റെ എല്ലാ സ്വഭാവ വിശേഷങ്ങളെയും നമുക്ക് നിയമ വിധേയമാക്കി വിടാം അല്ലെ. ന്യായീകരിച്ച് ന്യായീകരിച്ച് അങ്ങ് കൊല്ല്. :)

6)ലൈംഗികതയെ വിശകലനം ചെയ്യുമ്പോള്‍ ചെന്നുപെടാവുന്ന സ്ഥിരം ചതിക്കുഴികളിലൊന്നാണ് പ്രകൃതി അത് പ്രജനനത്തിനായി മാത്രം ഉദ്ദേശിച്ചിട്ടുള്ളതാണെന്ന ധാരണ നേരിട്ട് അനുഭവവേദ്യമല്ലാത്ത സൂക്ഷ്മമായ അനവധി ഘടകങ്ങള്‍ ജന്തുക്കളിലെ ലൈംഗികാകര്‍ഷണത്തിനു പിന്നില്‍ പ്രവര്‍ത്തിക്കുന്നുണ്ട് (ശരീര ഗന്ധം, സ്പര്‍ശം, ആകാരത്തിന്റെ സിമെട്രികത, ശരീരക്കൊഴുപ്പ് തുടങ്ങിയവ ഉദാഹരണങ്ങളാണ്)

>> പ്രത്യുല്പാദനം നടക്കുന്നത് വിരുദ്ധ ലിംഗ ചേരിയിലുള്ളവര്‍ ബന്ധപ്പെടുമ്പോഴാണ്. ലൈംഗികാര്‍ഷണത്തിന് കാരണം പ്രത്യുല്പാദനമാണെന്നല്ല മറിച്ച് പ്രത്യുല്പാദനത്തിലേക്ക് ഇണയെ പ്രേരിപ്പിക്കുന്നതിനും ആകര്‍ഷ്പ്പിക്കുന്നതിനുമാണ്. അതിനായിപ്രകൃതി നിശ്ചയിച്ച ഘടകങ്ങളാണ് ശരീര ഗന്ധം, സ്പര്‍ശം, ആകാരത്തിന്റെ സിമെട്രികത, ശരീരക്കൊഴുപ്പ് തുടങ്ങിയവ. ഇത്തരം ആകര്‍ഷണം ഇല്ലായിരുന്നുവെങ്കില്‍ ജീവികള്‍ പരസ്പരം ഇണചേരുന്ന പ്രക്രിയ നടക്കുകയോ പ്രത്യുത്പാദനം നടക്കുകയോ ചെയ്യുമായിരുന്നില്ല. മറ്റു ജീവികളില്‍ നിന്നെല്ലാം മനുഷ്യനെ ഇക്കാര്യത്തില്‍ വിത്യസ്തനാക്കുന്നത് അവനു കാര്യങ്ങളെ സ്വയം നിയന്ത്രിക്കാനുള്ള കഴിവുണ്ട് എന്നുള്ളതാണ് . അതായത് ഒരു സുന്ദരിയും സുഗന്ധിയുമായ ഒരു പെണ്‍കൊടി മുന്നിലൂടെ കടന്നു പോകുമ്പോള്‍ ഏതൊരു പുരുഷനും ഒരാകര്‍ഷണം തോന്നാതിരിക്കില്ല. ഇത് സ്വാഭാവികമാണ്. എന്നാല്‍ മനുഷ്യ മനസ്സിന്റെ ആത്മീയമായ നിയന്ത്രണം ഒരു ലൈംഗികമായ അതിക്രമത്തില്‍ നിന്ന് ഇരുപക്ഷത്തെയും തടയുന്നു. ഇതിന്റെയൊക്കെ ശാസ്ത്രം വിശദീകരിക്കാന്‍ നിന്നാല്‍ കാര്യങ്ങള്‍ ആകെ കുഴയും. അതേ സമയം ഒരു കാളക്ക് തന്റെ മുന്നിലൂടെ കടന്നു പോകുന്ന ഒരു പശുവിനോട് ആകര്‍ഷണം തോന്നിയാല്‍ സ്ഥല കാലങ്ങളൊന്നും അതിന് പ്രശ്നമായിരിക്കില്ല. അത് കാര്യം നടത്തും. ഇതൊക്കെ പ്രകൃതി ദത്തമാണന്ന് വാദിക്കുന്നവര്‍ക്ക് മനുഷ്യനും മൃഗവും തമ്മിലുള്ള അന്തരം എവിടെയാണെന്ന് വ്യക്തമാക്കാന്‍ കഴിയേണ്ടതുണ്ട്. മനുഷ്യനെ സംബന്ധിച്ചേടത്തോളം എല്ലാ കാര്യത്തിലും ആത്മീയ ഒരു നിയന്ത്രണം ആവശ്യമാണ്. അതാണെങ്കില്‍ ശാസ്ത്രത്തിന്റെ പരിധിക്ക് പുറത്തുള്ള കാര്യവുമാണ്.

7)ജനിതകത്തില്‍ ആലേഖനം ചെയ്യപ്പെട്ട സ്വവര്‍ഗ്ഗ രതി പ്രകൃതി ആരംഭത്തിലേ നുള്ളിക്കളയേണ്ടതായിരുന്നു. ഇതു “പ്രകൃതിക്കു വിരുദ്ധ”മാണെങ്കില്‍ ഇതിത്രയേറെ വ്യാപകവും നൈസര്‍ഗികവുമാവുന്നതെങ്ങനെ.?

>> മനുഷ്യന്റെ എല്ലാ കാര്യങ്ങളും ഇങ്ങനെ ജനിതകത്തില്‍ ആലേഖനം ചെയ്യപ്പെട്ടതാണോ? അങ്ങനെയാണെങ്കില്‍ ജനിതകത്തില്‍ ആലേഖനം ചെയ്തതെല്ലാം മനുഷ്യനെ ചെയ്യാന്‍ വിട്ടാല്‍ ഈ ലോകത്തിന്റെ സ്ഥിതി എന്തായി തീരുമായിരുന്നു. അക്രമം, ആര്‍ത്തി, ദുര ,ശത്രുത..... ഇതെല്ലാം ഇങ്ങനെ ആലേഖനം ചെയ്യപ്പെട്ടു വെച്ചതല്ലേ? ഇതൊക്കെ ജനറ്റിക്സിലുള്ളതാണ്. അത് പ്രകാരം നടന്നോട്ടെ എന്ന് സല്‍ബുദ്ധിയുള്ളവര്‍ക്കാര്‍ക്കെങ്കിലും ചിന്തിക്കാന്‍ കഴിയുമോ ? ഈ ആലേഖനങ്ങളൊക്കെയും പ്രകൃതിക്ക് തുടക്കത്തിലേ നുള്ളിക്കളഞ്ഞാല്‍ പോരായിരുന്നോ? പ്രകൃതം എന്ന് പറയുന്നത് ഇത്തരത്തിലുള്ള സ്വഭാവ രീതികള്‍ക്കാണോ ഡോക്ടറെ. ഞാന്‍ മനസ്സിലാക്കുന്നത് അത് മനുഷ്യന്റെ ഭൌതികമായ പ്രകൃതിയെയാണ് ഉദ്ദേശിക്കുന്നത് എന്നാണ്. തീര്‍ച്ചയായും അതിനു വിരുദ്ധം തന്നെയാണ് സ്വവര്‍ഗ രതിയും ഗുദ ബോഗവുമെല്ലാം തന്നെ. ന്യായീകരണം കണ്ടെത്താന്‍ ഭൌതീകമായ ശരീരം വിട്ട് ആത്മീയ ലോകത്തിലെ ആലേഖനം കണ്ടു പിടിക്കുകയാണ് കുറേ പരിഷ്കൃത സംസ്കാര സമ്പന്നര്‍.... :) അതിനോട് വിയോജിക്കുന്നവരെല്ലാം അടഞ്ഞ സമൂഹത്തിലെ മെമ്പര്‍മാരും അപരിഷ്കൃതരും... :):):)

സമയം കിട്ടിയാല്‍ തുടരും...

13 അഭിപ്രായങ്ങൾ:

ചിന്തകന്‍ പറഞ്ഞു...

സ്വവര്‍ഗ്ഗ ലൈംഗികതക്ക് ശാസ്ത്രത്തില്‍ തെളിവുണ്ടെന്ന് സ്ഥാപിക്കാന്‍, പ്രസിദ്ധ ബ്ലോഗറും, നീരീശ്വരനുമായ ഡോ:സൂരജിന്റെ സ്വവര്‍ഗ്ഗ ലൈംഗികതയുടെ ശസ്ത്രം എന്ന പോസ്റ്റിലിടാന്‍ എഴുതിയ ഒരു കമന്റാണിത്. അല്പം നീണ്ടു പോയതു കൊണ്ട് ഒരു പോസ്റ്റാക്കി ഇവിടെയിടുന്നു.

Faizal Kondotty പറഞ്ഞു...

>> tracking ....

ഞാന്‍ പറഞ്ഞു...

tracking

nalan::നളന്‍ പറഞ്ഞു...

ചിന്തയുടെ മരണമാണു വിശ്വാസത്തിന്റെ ബീജം. താങ്കല്‍ ആ ബീജമാകുന്നു !

ചിന്തകന്‍ പറഞ്ഞു...

പ്രകൃതത്തെ പ്രാകൃതവും പ്രാകൃതത്തെ പ്രകൃതവുമാക്കുന്ന ചിന്തയുടെ മരണമാണ് ഞാന്‍ ആഗ്രഹിക്കുന്നതും പ്രിയ നളന്‍.

ശാസ്ത്രം ഭൌതീക തലങ്ങളെ മാത്രമേ സ്പര്‍ശിക്കുന്നുള്ളൂ. ആത്മീയ തലങ്ങളെ സ്പര്‍ശിക്കാന്‍ വിശ്വാസത്തിനെ കഴിയൂ. രണ്ടും കൂടി ചേരുമ്പോഴാണ് മനുഷ്യന്‍ യഥാര്‍ഥ പരിഷ്കൃത ജീവിയായി മാറുന്നത്.

രണ്ടില്‍ ഒന്ന് മാത്രമായ അവസ്ഥ ചിന്തയുടെ മരണം തന്നെയാണ്.

ഗന്ധർവ്വൻ പറഞ്ഞു...

താങ്കൾ പറഞ്ഞതിനോട് യോജിക്കാനാവില്ല.കാരണം സ്വവർഗ്ഗഅനുരാഗികൾക്ക് ഒരിക്കലും ത്ങ്ങളുടെ എതിർലിംഗത്തിലുള്ളവരുമായി ഉള്ള ‘പ്രകൃതിദത്ത‘മായ ബന്ധം സന്തോഷം നൽകില്ല.അവർ ആഗ്രഹിക്കുന്നത് തങ്ങളെ പോലുള്ളവരുമായുള്ള ബന്ധമാണ്.പ്രത്യുൽ‌പ്പാദനമല്ല അവരുടെ പ്രശ്നം.ജീവിതമാണ്.അതിലെ സന്തോഷമാണ്.വിദേശരാജ്യങ്ങളിൽ സ്വവർഗ്ഗവിവാഹങ്ങൾ നിയമവിധേയമാണ്.അത് ന്യൂനപക്ഷമാണെങ്കിലും അത്തരക്കാരുടെ ജീവിതം മനസിലാകി എടുക്കപ്പെട്ടതാണ്.നിയന്ത്രണാതീതമായ അനുമതി പ്രശ്നങ്ങൾ ഉണ്ടാക്കും.അതിന് ഇൻഡ്യ തയ്യാറാക്കപ്പെട്ടിട്ടില്ല.അതുകൊണ്ട് നിയന്ത്രണവിധേയമായ സ്വവർഗ്ഗജീവിതം അനുവദിക്കപ്പെടേണ്ടത് തന്നെയാണ്.വിശ്വാസങ്ങൾ എന്നും മാറ്റങ്ങളെ എതിർത്തിട്ടേ ഉള്ളു.ഇപ്പോഴുള്ള എതിർപ്പുകളും അങ്ങനെ കണ്ടാൽ മതി

Dr.jishnu chandran പറഞ്ഞു...

പുരാതന കാലം മുതല്‍ തന്നെ ഇന്ത്യയില്‍ സ്വവര്‍ഗ അനുരാഗത്തിന് രേഫെരന്‍സ്‌ കള്‍ ഉണ്ട്. പക്ഷെ ഒരുകാര്യം ആലോചിക്കേണ്ടതുണ്ട്, ഇതിനെ അത്ര മാന്യമായി വാദിക്കേണ്ട കാര്യമുണ്ടോ? ഭാവിയില്‍ ആണ്‍ ആണിനോടും പെണ്‍ പെണ്ണിനോടും മാത്രം ബന്ധപ്ടുന്നു എന്നുള്ള അവസ്ഥ വരില്ലെന്ന് ആര് കണ്ടു?

Subin P Thomas പറഞ്ഞു...

പ്രകൃതി വിരുദ്ധം എന്ന വാക്ക്‌ കൊണ്ട്‌ നിങ്ങൾ അർത്ഥമാക്കുന്നത്‌ എന്താണെന്ന്‌ അറിഞ്ഞാൽ കൊള്ളാമെന്നുണ്ട്‌. എന്താണ്‌ ഒരു കാര്യം പ്രകൃതി വിധേയമാണൊ വിരുദ്ധമാണൊ എന്ന്‌ തീരുമാനിക്കുന്നതിന്റെ മാനദണ്ഠവും. അത്‌ ശാസ്ത്രത്തേ കുറിച്ച്‌ അറിയുകപോലും ചെയ്യാതിരുന്ന കാലത്ത്‌ എഴുതപ്പെട്ട ചില പുസ്തകങ്ങൾ ആണോ? ഖുറാനിലോ ബൈബിളിലോ ഗീതയിലോ എഴുതപ്പെട്ട കാര്യങ്ങൾ ആണ്‌ മനുഷ്യന്റെ പെരുമാറ്റവും ചിന്തകളും നിയന്ത്രിക്കേണ്ടത്‌ എന്നത്‌ ഒരുതരം അടിച്ചേൽപ്പിക്കലാണ്‌. ദൈവത്തിൽ വിശ്വസിക്കാതെ ഒരാൾക്ക്‌ ഇന്ത്യയിൽ ജീവിക്കാൻ അവകാശമുണ്ടെന്നിരിക്കെ ഇവിടത്തെ നിയമങ്ങൾ ഏതെങ്ങിലും മത ഗ്രന്ഥത്തിന്‌ വിരുധ്ധമാണെങ്കിൽ? ഈ പറയുന്ന നിരീശ്വരവാദികൾക്ക്‌ ജീവിക്കാൻ അവകാശമില്ലേ? ഇന്ത്യയിൽ പോലും അല്ല ഈ മതങ്ങൾ ഉണ്ടായത്‌. ഇന്നിട്ടും അവരാണ്‌ ഇവിടെ എന്താണ്‌ പ്രകൃതി വിരുദ്ധം എന്ന്‌ തീരുമാനിക്കുന്നത്‌. കാസറഗോടും മലപ്പുറത്തും കൊഴിക്കോടും ഒക്കെയുള്ള നിങ്ങളുടെ വിശ്വാസികളൊടെങ്ങിലും എന്നാൽ നല്ല വഴിയേ ജീവിക്കാൻ പറഞ്ഞുകൂടേ? ആദ്യം സ്വന്തം മുഖം ഒന്നു നന്നാക്ക്‌ സഹോദരാ.. കഥകൾ ഇന്യും പച്ചക്കു തന്നെ പറയേണ്ടതുണ്ടോ?

ചിന്തകന്‍ പറഞ്ഞു...

സുബിന്‍

ഒരാള്‍ അയാളുടെ സ്വാഭാവിക പ്രകൃതത്തിനെതിരായി ചെയ്യുന്നതെന്തും പ്രകൃതി വിരുദ്ധമാണ്.

ഒരാള്‍ സ്വവര്‍ഗ്ഗത്തില്‍ പെടുന്ന ഒരാളെ സ്നേഹിക്കുന്നതും ഇഷ്ടപ്പെടുന്നതും സ്വാഭാവികമാണ്. എന്നാല്‍ അത് രതിയിലേക്കെത്തിച്ചേരുന്നത് പ്രകൃതി വിരുദ്ധമാണ്. ആണിന്റെ പെണ്ണിന്റെയും ശരീരഘടന പരസ്പരം ഇണചേരാന്‍ പാകത്തിന് വളരെ കൃത്യമായി സംവിധാനിക്കപ്പെട്ടിരിക്കുന്നു.ഇത് പ്രാകൃതീപരമായി നിശ്ചയിക്കപ്പെട്ടതാണ്. ഏത് ശാത്രമല്ല അതിലും വലുത് വന്നാലും ഈ സ്വാഭാവിക പ്രകൃതിക്ക് മാറ്റം വരുത്താന്‍ കഴിയില്ല. പ്രകൃത്യാല്‍ തന്നെ നിശ്ചയിക്കപ്പെട്ട ഒരു സംവിധാനത്തിനെതിരായി പ്രര്‍വര്‍ത്തിക്കുന്നത് പ്രകൃതി വിരുദ്ധതയല്ലാതെ മറ്റെന്താണ് സുഹൃത്തെ.

ഇന്ത്യയില്‍ എല്ലാമതങ്ങള്‍ക്കും മതമില്ലെന്ന് പറയൂന്ന മതക്കാര്‍ക്കും ഒരു പോലെ ജീവിക്കാനുള്ള അവകാശമുണ്ട്. ഒരാളെയും മതം പിടിച്ച് വെക്കുന്നില്ല.

ഇസ് ലാമിനെ സംബന്ധിച്ചാണെങ്കില്‍ , ഒരാള്‍ക്ക് മുസ് ലീമായി തുടരാന്‍ ആഗ്രഹമുണ്ടെങ്കില്‍ അയാള്‍ അതിലെ നിയമങ്ങള്‍ പാലിക്കാന്‍ ബാധ്യസ്ഥനാണ്. അതിന് അടിച്ചേല്പിക്കല്‍ എന്ന് പറയാന്‍ പറ്റുന്നതെങ്ങനെ? ദൈവത്തിങ്കല്‍ ഓരോ കര്‍മ്മവും വിലയിരുത്തപ്പെടുന്നത് അയാളുടെ മനസ്സിന്റെ ഉദ്ദേശ ശുദ്ധിക്കനുസരിച്ചാണെന്നാണ് വിശ്വാസം. അപ്പോള്‍ ഇഷ്ടമില്ലാത്ത ഒരാളുടെമേല്‍ അടിച്ചേല്പിക്കുന്നത് കൊണ്ട് എന്ത് പ്രയോജനം.

കാസര്‍കോട്ടും കോഴിക്കോട്ടും മലപ്പുറവും പരാമര്‍ശിച്ചതിന്റെ ഉദ്ദേശം മനസ്സിലായില്ല.

ഡോ.ജിഷ്ണു ചന്ദ്രന്‍, ഗന്ധര്‍വ്വന്‍ വന്നതിനും അഭിപ്രായം അറിയിച്ചതിനും നന്ദി.

ae jabbar പറഞ്ഞു...
ഒരു ബ്ലോഗ് അഡ്മിനിസ്ട്രേറ്റർ ഈ അഭിപ്രായം നീക്കംചെയ്തു.
സന്ദേഹി-cinic പറഞ്ഞു...

സ്വവർഗ്ഗരതി കുറ്റമാണോ ഇസ്ലാമിൽ?
സ്വവർഗ്ഗരതിയും ഇസ്ലാമും.
http://sandehiyudeislam.blogspot.com/

shyju പറഞ്ഞു...

>> മനുഷ്യന്റെ എല്ലാ കാര്യങ്ങളും ഇങ്ങനെ ജനിതകത്തില്‍ ആലേഖനം ചെയ്യപ്പെട്ടതാണോ?
അങ്ങനെയാണെങ്കില്‍ ജനിതകത്തില്‍ ആലേഖനം ചെയ്തതെല്ലാം മനുഷ്യനെ ചെയ്യാന്‍ വിട്ടാല്‍ ഈ ലോകത്തിന്റെ സ്ഥിതി
എന്തായി തീരുമായിരുന്നു. അക്രമം, ആര്‍ത്തി, ദുര ,ശത്രുത..... ഇതെല്ലാം ഇങ്ങനെ ആലേഖനം ചെയ്യപ്പെട്ടു വെച്ചതല്ലേ?
ഇതൊക്കെ ജനറ്റിക്സിലുള്ളതാണ്. അത് പ്രകാരം നടന്നോട്ടെ എന്ന് സല്‍ബുദ്ധിയുള്ളവര്‍ക്കാര്‍ക്കെങ്കിലും ചിന്തിക്കാന്‍ കഴിയുമോ ?....
................................

കാര്യങ്ങള്‍ നേരെ ചൊവ്വേ മനസ്സിലാക്കാത്തതാണ് കുഴപ്പം.അക്രമം, ആര്‍ത്തി, ദുര ,ശത്രുത....
ഇതെല്ലം മറ്റു മനുഷ്യരുടെ മേലെ ഉള്ള കടന്നു കയറ്റമാണ് .ഈ സ്വാതന്ത്ര്യം സ്വാതന്ത്ര്യമായി
നിങ്ങള്‍ തെറ്റിദ്ധരിച്ചു .
എന്നാല്‍ സ്വവര്‍ഗ ലൈഗീകത മറ്റുള്ളവര്‍ക്ക് എന്ത് പ്രയാസമാനുണ്ടാക്കുന്നത്?
സാരമില്ല നിങ്ങള്‍ക്ക് ഇനിയും തിരുത്താവുന്നതാണ്.

Jaleel പറഞ്ഞു...

ഞാന്‍ ഈ വൈകല്യത്തിന് അടിമയാണ്. വൈകല്യം എന്ന് തന്നെയേ എനിക്ക് പറയാന്‍ കഴിയൂ. അടിമ എന്ന് പറഞ്ഞാല്‍ ഈ താല്പര്യം എനിക്കുണ്ട് എന്നര്‍ത്ഥം, അല്ലാതെ തേടിപ്പിടിച്ചു ചെയ്യുന്ന വൃത്തി കേട്ട സ്വഭാവം ഇല്ല . ഈ ചിന്ടകളില്‍ നിന്നും, താല്‍പര്യത്തില്‍ നിന്നും എങ്ങനെയെങ്കിലും രക്ഷപ്പെടാന്‍ ഞാന്‍ ആഗ്രഹിക്കുന്നു. ഇത് മൂലം ഏറെ മാനസിക വിഷമം അനുഭവിക്കുകയും ചെയ്യുന്നു . ഇതിനു മനശാസ്ത്ര ചികില്‍സകള്‍ ഉണ്ടെന്നു കേള്കുന്നു . ശരിയായി അറിയുന്നവര്‍ അറിയിക്കുമല്ലോ .