2009, ഫെബ്രുവരി 19, വ്യാഴാഴ്‌ച

ദൈവ സങ്കല്പം - ഒരു തുറന്ന ചര്‍ച്ച

ഈ യുള്ളവനും ശ്രീ @ശ്രേയസ് എന്ന ബ്ലോഗറും തമ്മില്‍ ഈശ്വരന്‍ - നിര്‍ഗ്ഗുണ നിരാകാര പരബ്രഹ്മം എന്നപേരില്‍ ഒരു ചര്‍ച്ച നടക്കുന്നുണ്ട്.

ഒട്ടും വൈകാരികമല്ലാതെ തന്നെ, ശ്രീ @ശ്രേയസ് ഈ ചര്‍ച്ചയെ തികച്ചും പോസിറ്റാവായ അര്‍ത്ഥത്തില്‍ മാത്രം എടുത്തു എന്നുള്ളത് എന്നെ ഏറെ സന്തോഷിപ്പിച്ച കാര്യമാണ്. ദൈവ വിശ്വാസത്തെ ആളുകള്‍ ഒരു സ്വകാര്യമായി മാത്രം കൊണ്ട് നടക്കുകയും അത് പരസ്പരം അറിയാനും മനസ്സിലാക്കാനും കഴിയാത്തവിധം എന്തോ ഒരു മറ നില നില്‍ക്കുകയും ചെയ്യുന്നുണ്ട്. അത് കൊണ്ട് തന്നെ ചെറിയ തര്‍ക്കങ്ങള്‍ പോലും വലിയ പൊട്ടിത്തെറികളായി മാറുന്നു. ഇത് മൂലം ദൈവ വിശ്വാസമാണ് എല്ലാ പ്രശ്നങ്ങളുടെ മൂല കാരണം എന്ന് ചിലര്‍ സ്ഥാപിക്കാന്‍ ശ്രമിക്കുന്നു. സത്യത്തില്‍ ഇത്തരം പ്രശ്നങ്ങളുടെ നടുവില്‍ കിടന്ന് വിശ്വാസമേ നഷ്ടപെട്ടവരാണവര്‍.

അത്കൊണ്ട് അങ്ങോട്ടും ഇങ്ങോട്ടും പരസ്പരം നിലനില്‍ക്കുന്ന തെറ്റിദ്ധാരണകള്‍ നീക്കാനും നാം മനസ്സിലാക്കിയത് പരസ്പരം പങ്ക് വെക്കാനും ആഗ്രഹിക്കുന്നുവെങ്കില്‍ ഇത് വായിക്കുന്ന താങ്കളെയും ഈ ചര്‍ച്ചയിലേക്ക് ക്ഷണിക്കുന്നു.

ചര്‍ച്ചയില്‍ ദൈവത്തെകുറിച്ചുള്ള എന്റെ നിലപാട് വ്യക്തമാക്കൊണ്ടിട്ട കമന്റ് മാത്രം ഞാനിവിടെ ചേര്‍ക്കുന്നു. പൂര്‍ണ്ണരൂപം ‍ഇവിടെ നിന്ന് വായിക്കാനപേക്ഷിക്കുന്നു.

ശ്രീ @ശ്രേയസ് പറഞ്ഞു....

ചിന്തകനും ഒരു പുലിയായി തീരാന്‍ ശ്രമിച്ചോള്ളൂ. മനുഷ്യര്‍ മാത്രം പോരല്ലോ പുലി, എലി, മുതലായ മൃഗങ്ങളും ഈ ലോകത്ത് വേണമല്ലോ.:-)

ഈയുള്ളവന്‍ പറയുന്നതിന്‍റെ അര്‍ത്ഥം മനസ്സിലാക്കാനും കുറച്ചു ചിന്തിക്കാനും ചിന്തകന്‍ ശ്രമിക്കുക. അപ്പോള്‍ ഉണ്മ എന്നൊക്കെ പറയുന്നത് എന്താണെന്ന് മനസ്സിലാകും. എന്തുകൊണ്ടാണ് ഉണ്മ, ആത്മാവ്, ബ്രഹ്മം, ഈശ്വരന്‍ എന്നൊക്കെ പറയുന്നത്, പ്രാര്‍ത്ഥിക്കുന്നത്, ആരാധിക്കുന്നത്, എന്നൊക്കെ മനസ്സിലാവും. അല്ലാതെ ഒരു നിരീശ്വരവാദിക്കോ അന്ധവിശ്വാസിക്കോ അതൊന്നും മനസ്സിലാവില്ല, ഒരിക്കലും.താങ്കള്‍ യുക്തിവാദിയോ ഏതെങ്കിലും ഒരു മതവിശ്വാസിയോ മറ്റോ ആയിക്കൊള്ളട്ടെ.
ഭാരതീയ സനാതന ധര്‍മ്മത്തെ കുറിച്ചറിയാനും വേണം ഒരു യോഗം എന്നുതോന്നുന്നു.കൂടുതല്‍ അറിയാന്‍ താല്‍പര്യം ഉണ്ടെങ്കില്‍ കുറെയേറെ നല്ല പുസ്തകങ്ങള്‍ ഉണ്ട്, വായിക്കുക. എന്നിട്ട് സ്വയം ചിന്തിക്കുക - ഞാന്‍ എന്തിന് ഈ ഭൂമിയില്‍ പിറന്നു? എന്തിനായിരിക്കും? എന്നൊക്കെ.ഈയുള്ളവന്‍റെ ആശംസകള്‍.

ചിന്തകന്‍ പറഞ്ഞു...

പ്രിയ ശ്രീ ആഗ്രഹമുണ്ടായിരുന്നു .അത്രക്കങ്ങട് ധൈര്യം പോരാത്തതു കൊണ്ടു തല്‍ക്കാലം ഒരു പുലിയാവണ്ട മനുഷ്യനായിതന്നെങ്ങട് ജീവിച്ചാല്‍ മതി. വെറുതെ ശരീരം ചീത്തയാക്കണ്ടല്ലോ :-)

ഭാരതീയ സനാതന ധര്‍മ്മത്തെ കുറിച്ചറിയാനുള്ള ആ യോഗം എനിക്കുണ്ടാകുമോ എന്ന് നോക്കാനാണ് ഞാനീ ചര്‍ച്ച താങ്കളുമായി തുടങ്ങിയത്. താങ്കള്‍ പഠിച്ച നല്ലതെന്ന് തോന്നുന്ന പുസ്തങ്ങള്‍ വല്ലതും എനിക്ക് റഫര്‍ ചെയ്യൂ.(മലയാളത്തില്‍ ഉള്ളത് മാത്രം) ഞാനത് വാങ്ങി വായിക്കാന്‍ ശ്രമിക്കാം.

എന്തിനാണ് നാമീ ഭൂമിയില്‍ വന്നത്? ഏങ്ങോട്ടാണ് നാം പോകേണ്ടത് ?, നാം വല്ല ദൌത്യവും നിര്‍വ്വഹിക്കേണ്ടതുണ്ടോ? നമ്മുടെ കര്‍മ്മങ്ങള്‍ക്ക് നാം ഉത്തരം പറയേണ്ടതുണ്ടോ?....ഇങ്ങനെ ഒരു പാട് ചോദ്യങ്ങള്‍ക്കുള്ള ഉത്തരം നാം കണ്ടെത്തേണ്ടതുണ്ട് എന്ന്ഉറച്ച് വിശ്വസിക്കുന്ന ഒരാളാണ് ഞാനും.

എന്റെ പ്രിയ ശ്രീ ഞാന്‍ ആദ്യമെ താങ്കളോട് സൂചിപ്പിച്ച ഒരു കാര്യമുണ്ടായിരുന്നു. വേദങ്ങളെ കുറിച്ച് പഠിക്കുക എന്നുള്ളത് എന്റ് ഒരാഗ്രഹമാണ്. അതിലാണല്ലോ ഇത്തരം കാര്യങ്ങളെ കുറിച്ച് സൂചനയുള്ളത്.ഒരു ഭാരതീയനെന്ന നിലക്ക് അതിന് ഞാന്‍ ശ്രമിക്കേണ്ടതുണ്ടെന്ന് എനിക്ക് തോന്നുന്നു. മാത്രമല്ല വേദങ്ങള്‍ക്ക് പിന്നിലെ യാഥാര്‍ഥ്യം എന്തെന്ന് അറിയേണ്ടതുണ്ടല്ലോ. വേദങ്ങളെ നേരിട്ട് സമീപിക്കുന്നതിന് മുമ്പ് അത് ഫോളോ ചെയ്യുന്ന ആരെങ്കിലുമുണ്ടെങ്കില്‍ അവരിലൂടെ സമീപിക്കുന്നതായിരിക്കും കൂടുതല്‍ ഉചിതമെന്ന് എനിക്ക് തോന്നി.


"വാദിക്കാനും ജയിക്കാനുമല്ല അറിയാനും അറിയിക്കാനും"
എന്ന ശ്രീനാരായണസ്വാമിയുടെ വാക്കുകള്‍ പൂര്‍ണമായും മുഖവിലക്കെടുക്കുന്ന ഒരാളാണ് ഞാന്‍.

ഒരു കാര്യത്തെ നാം പഠിക്കാന്‍ ശ്രമിക്കുമ്പോള്‍ അതിന്റെ എല്ലാ‍ വീക്ഷണകോണുകളിലൂടെയും നാം സമീപിക്കേണ്ടതുണ്ട് എന്ന് ഈയുള്ളവന്‍ മനസ്സിലാക്കുന്നു. അതില്‍ ഒരു പക്ഷേ എന്റെ നിലവിലുള്ള നിലപാടുകളില്‍ നിന്നുള്ള വീക്ഷണങ്ങളും കണ്ടേക്കാം. മറ്റുള്ളവരുടെ വീക്ഷണങ്ങളും കണ്ടെക്കാം. എനിക്കൊരു നിലപാടുണ്ട് അത് ഞാന്‍ സാധാരണ വ്യക്തമാക്കാറാളുള്ളതാണ്. അത് എന്തിനാണെന്ന് ചോദിച്ചാല്‍ ആളുകള്‍ക്ക് എന്റെ നിലപാടിനെ ചോദ്യം ചെയ്താല്‍ എനിക്കതിന് ഉത്തരമുണ്ടോ എന്ന് എനിക്കറിയേണ്ടതുണ്ട്. അല്ലെങ്കില്‍ ഞാനതിന് ബാധ്യസ്ഥനാണെന്ന് ഞാന്‍ മാനസ്സിലാക്കുന്നു. മാത്രമല്ല അത് എന്റെ നിലപാടിനെ കുറിച്ച് കൂടുതല്‍ പഠിക്കാന്‍ എന്നെ പ്രേരിപ്പിക്കുകയും തെറ്റാണെങ്കില്‍ തിരുത്താന്‍ അവസരം നല്‍കുകയും ചെയ്യും. താങ്കള്‍ ദൈവത്തെ മനസ്സിലാക്കിയതെങ്ങനെയെന്ന പ്രായോഗിക തലത്തില്‍ നിന്നുള്ള ഒരു ശൈലിയില്‍ നിന്നാണ് ഞാനതാരംഭിച്ചത്. താങ്കള്‍ക്കാവും വിധം താങ്കളത് അവതരിപ്പിക്കാന്‍ ശ്രമിക്കുകയും ചെയ്ത്. എന്നെ സംബന്ധിച്ചേടത്തോളം അതില്‍ ഒരു പാട് വൈരുദ്ധ്യങ്ങള്‍ ഉള്ളതായി തോന്നി. (ഒരു പക്ഷേ എനിക്ക് മനസ്സിലാവത്തതിന്റെ കുഴപ്പമാവാം. അങ്ങിനെയെങ്കില്‍ താങ്കളെന്നോട് ക്ഷമിക്കുക)

അതിനാല്‍ കുറച്ച് കൂടിവ്യക്തതക്ക് വേണ്ടി ഞാന്‍ എന്റ നിലവിലുള്ള ദൈവ സങ്കല്പവും താങ്കള്‍ ഇവിടെ അവതരിപ്പിച്ച ദൈവ സങ്കല്പത്തില്‍ നിന്ന് ഞാന്‍ മനസ്സിലാക്കിയതും നമ്പറിട്ട് കൊണ്ട് ചുവടെ ചേര്‍ക്കാം. അത് രണ്ടില്‍ നിന്നും താങ്കള്‍ യോജിക്കുന്ന നമ്പറുകള്‍ ഏതെന്ന് സെലക്റ്റ് ചെയ്യുക. ഇല്ലാത്തത് വല്ലതും ഉണ്ടെങ്കില്‍ അത് താങ്കള്‍ ചേര്‍ക്കുക. വിയോജിക്കുന്ന പോയന്റുകളുമായി നമുക്ക് ചര്‍ച്ച തുടരുകയും ചെയ്യാം.ഇവിടെ സ്വഭാവികമായും എന്ത് കൊണ്ട് യോജിക്കുന്നു എന്ത് കൊണ്ട് വിയോജിക്കുന്നു എന്നുള്ള ചോദ്യങ്ങളും വരാം. താങ്കള്‍ക്കെന്നെ ചോദ്യം ചെയ്യാനുള്ള പൂര്‍ണം അവകാശം ഉണ്ട്. ഞാന്‍ എന്ത് വിചാരിക്കും എന്ന് കരുതി ഒരു ചോദ്യവും താങ്കള്‍ വിട്ടു കളയേണ്ടതില്ല.(താങ്കളുടെ വിമര്‍ശനങ്ങള്‍ പോസിറ്റീവായി മാത്രമേ ഞാന്‍ കാണുകയുള്ളൂ)

നിലവിലുള്ള എന്റെ ദൈവ സങ്കല്പം
--------------------------------------------
  1. സര്‍വ്വലോകത്തെയും സൃഷ്ടിച്ചതും, സൃഷ്ടി ആവര്‍ത്തിക്കുന്നതും അതിനെ വികസിപ്പിച്ച് കൊണ്ടിരിക്കുന്നതുമായ ഒരെ ഒരു ശക്തി.
  2. സര്‍വ്വ പ്രപഞ്ചത്തിന്റെയും സംവിധായകനും, നിയന്താവും പരിപാലകനുമായുള്ളവന്‍
  3. ദൈവം ഏകനാണ്. ദൈവം സര്‍വ്വശക്തനാണ്, പരാശ്രയ മുക്തനാണ്.എന്നാല്‍ ദൈവത്തെ എല്ലാവരും ആശ്രയിക്കുന്നു.ദൈവം അറിയാത്ത ഒരു കര്യവും ഈ സര്‍വ്വ പ്രപഞ്ചത്തിലും നടക്കുന്നില്ല.
  4. ദൈവം ആരുടെയും പിതാവല്ല.ആരുടെയും പുത്രനുമല്ല.
  5. ദൈവത്തെ പോലെ ദൈവമല്ലാതെ മറ്റൊന്നുമില്ല തന്നെ.
  6. ദൈവത്തിന് ഒരു പങ്കുകാരുമില്ല.
  7. രക്ഷാ ശിക്ഷകളുടെ ആത്യന്തികത ദൈവത്തിങ്കല്‍ കുടികൊള്ളുന്നു.
  8. ആത്യന്തിക നീതി ദൈവത്തിങ്കല്‍ മാത്രമാണ്
  9. മറ്റെല്ലാകാര്യങ്ങളുടെയും ആത്യന്തികത ദൈവത്തില്‍ മാത്രമാണ്.
  10. സൃഷ്ടിക്കപ്പെട്ടതൊന്നും ദൈവമല്ല.
  11. ആത്യന്തികമായ അനുസരണം(കീഴ്വണക്കം) ദൈവത്തോട് മാത്രമുള്ളതാണ്.
  12. ആരാധന ദൈവത്തോട് മാത്രമേ പാടുള്ളൂ.
  13. ശരിയും തെറ്റും അത്യന്തികമായി തീരുമാനിക്കുന്നത് ദൈവം മാത്രമാണ്

താങ്കളുടേ ദൈവ സങ്കല്പം എന്ന് ഞാന്‍ മനസ്സിലാക്കിയത്

-----------------------------------------------------------------

  1. ദൈവം (ഈശ്വരന്‍) നിര്‍ഗുണ നിരാകാരം പരബ്രഹ്മമാണ്.
  2. ആത്മാവ്, ബ്രഹ്മം, ഈശ്വരന്‍ എന്നെല്ലാം പറയുന്നത് സച്ചിദാനന്ദസ്വരൂപവും ഏകവും അദ്വയാവുമായ ഒരേ ചൈതന്യമാണ്. (ഈ ചൈതന്യമാണ് ദൈവം)
  3. വാക്കിനും മനസ്സിനും വിഷയമല്ലാത്ത ബ്രഹ്മസ്വരൂപത്തെപ്പറ്റി മനസുകൊണ്ട് ചിന്തിക്കുവാണോ വാക്കുകൊണ്ട് പറയുവാനോ സാദ്ധ്യമല്ല.
  4. നിത്യവും സത്യവും ശുദ്ധവുമായ ബ്രഹ്മം ഒരിക്കലും നാശമില്ലാത്തതാണ്‌ (ദൈവത്തിന് ഒരിക്കലും നാശമില്ല)
  5. ഈശ്വരന്‍ ഒരു ജന്തുവല്ല. ഈശ്വരന് ബുദ്ധിയില്ല, രൂപമില്ല, ഗുണമില്ല, ഭയമില്ല, വികാരമില്ല, സംഗമില്ല, ആദ്യന്തമില്ല, ചലനമില്ല. ഈശ്വരന്‍ ഏകനാണ്, സത്യമാണ്, നിത്യമാണ്, ശുദ്ധമാണ്, കേവലമാണ്, ശാശ്വതമാണ്, പരിപൂര്‍ണമാണ്, പരമാനന്ദമാണ്, ഉണ്മയാണ്, ജ്ഞാനമാണ്, അനന്തനാണ്, അപ്രാപ്യനാണ്.
  6. ഇശ്വരന്‍ ഒന്നിന്റെയും സൃഷ്ടാവല്ല. അങ്ങിനെ വന്നാല്‍ ഈശ്വരെ ആരുണ്ടാക്കി എന്ന ചോദ്യം വരും.
  7. മുകളില്‍ പറഞ്ഞഗുണങ്ങളെല്ലാം അവനവനില്‍ തന്നെയുണ്ട്. അങ്ങിനെ അറിഞ്ഞാല്‍ ഞാന്‍ തന്നെയാണ് ദൈവം(അഹം ബ്രഹ്മാസ്മി) എന്ന് ബോധ്യമാവും.
  8. രൂപമില്ലാത്ത വെള്ളം ശീതികരിച്ച പാത്രത്തില്‍ മഞ്ഞുകട്ടയുടെ രൂപം പ്രാപിക്കുന്നത് പോലെ ഭക്തന്റെ മനസ്സില്‍ ഭക്തി ശൈത്യം മൂലം ദൈവം രൂ‍പം പ്രാപിക്കുന്നു.
  9. നിര്‍ഗ്ഗുണ(നിരാകാര) പരബ്രഹ്മത്തെ മനുഷ്യന്‍ ഓരോരോ ഭാവത്തിലും രൂപത്തിലും ആരാധിക്കുന്നു.
  10. ഒരോരുത്തരുടേയും ശരിതെറ്റുകള്‍ തീരുമാനിക്കുന്നത് അവനവന്‍ തന്നെയാണ്.
  11. ഈശ്വരന്‍റെ സ്വരൂപം എന്തെന്നുപോലും ചിന്തിയ്ക്കാന്‍ സമയംകിട്ടാത്ത, സാധാരണക്കാരനായ ഒരുവന് മനസ്സിന്‍റെ സമനില നിലനിര്‍ത്താനും തന്‍റെ ദുരിതങ്ങള്‍ തന്നെക്കാള്‍ ശക്തമായ മറ്റൊരാളോട് പങ്കുവയ്ക്കാനും അങ്ങനെ സ്വന്തം മനസ്സിനെ സമാശ്വസിപ്പിക്കാനും ഒരാള്‍ വേണം, അതാണ്‌ അവന്‍റെ ഈശ്വരന്‍. (ഒരോരുത്തരുടെ മനോനില അനുസരിച്ച് എങ്ങിനെ വേണമെങ്കിലും ഇശ്വരനെ തേടാം)
  12. ഈശ്വരനെ ആരാധിച്ചാലും ഇല്ലെങ്കിലുല്‍ ഒരു കുഴപ്പവുമില്ല..

2009, ഫെബ്രുവരി 7, ശനിയാഴ്‌ച

യുക്തിവാദികള്‍ അഥവാ താന്തോന്നിവാദികള്‍ ദൈവ നിഷേധികളല്ലത്രെ!!!

യുക്തിവാദം എന്ന ബ്ലോഗില്‍ ഞാന്‍ ദൈവനിഷേധിയല്ല! എന്ന പോസ്റ്റിന് സുശീല്‍ കുമാര്‍ എന്ന യുക്തിവാദി ബ്ലോഗറുമായി ഈയുള്ളവന്‍ നടത്തിയ സംവാദത്തിന്റെ ചില ഭാഗങ്ങളാണ് ചുവടെ

സുശീല്‍ ‍ താങ്കള്‍ക്ക് മനസ്സിലായില്ലെങ്കിലും ഈ ചര്‍ച്ചയില്‍ പങ്കെടുത്ത ആരെങ്കിലും മനസ്സിലാക്കിയാല്‍ നല്ലത്.

സുശീല്‍ പറഞ്ഞു
മറുവടി:- "ദൈവം" എന്നതിന് നിര്‍വചനം തരേണ്ടത് ദൈവത്തെ അവതരിപ്പിക്കുന്നവരാണ്.

ദൈവത്തിന്റെ നിര്‍വചനം എന്താണെന്ന് ദൈവം തന്നെയാണ് പറഞ്ഞ് തരേണ്ടത്. ആ നിര്‍വചനമെന്താണെന്ന് ഇയുള്ളവന്‍ മുന്‍കമന്റുകളില്‍ വ്യക്തമാക്കിയതാണ്.

ഓന്ന് കൂടി വ്യക്തമാക്കാം അത്.

1) സര്‍വ്വലോകത്തെയും സൃഷ്ടിച്ചതും, സൃഷ്ടി ആവര്‍ത്തിക്കുന്നതും അതിനെ വികസിപ്പിച്ച് കൊണ്ടിരിക്കുന്നതുമായ ഒരെ ഒരു ശക്തി.
2)സര്‍വ്വ പ്രപഞ്ചത്തിന്റെയും സംവിധായകനും, നിയന്താവും പരിപാലകനുമായുള്ളവന്‍
3)അവന്‍ ഏകനാണ്. അവന്‍ സര്‍വ്വശക്തനാണ്, പരാശ്രയ മുക്തനാണ്.എന്നാല്‍ അവനെ എല്ലാവരും ആശ്രയിക്കുന്നു.അവന് അറിയാത്ത ഒരു കര്യവും ഈ സര്‍വ്വ പ്രപഞ്ചത്തിലും നടക്കുന്നില്ല.
4)അവന്‍ ആരുടെയും പിതാവല്ല.ആരുടെയും പുത്രനുമല്ല.
5) അവനെ പോലെ അവനല്ലാതെ മറ്റൊന്നുമില്ല തന്നെ.

വിമര്‍ശിക്കുന്നതും നിങ്ങള്‍ മനസ്സിലാക്കിയ ഒരു നിര്‍വചനത്തിന്റെ അടിസ്ഥാനത്തിലായിരിക്കുമല്ലോ. ആ നിര്‍വചനം എന്താണെന്നാണ് ഞാന്‍ ചോദിച്ചത്. (ദയവായി ഞാന്‍ എഴുതുന്നത് ശ്രദ്ധയോടെ വായിച്ച് നല്ലവണ്ണം ചിന്തിച്ചതിന് ശേഷം ഉത്തരം തന്നാല്‍ മതി)

ഞാന്‍ എന്തിനായിരുന്നു ഇങ്ങനെയൊരു നിര്‍വചനം താങ്കളോട് ചോദിച്ചത്.

അതിന്റെ സന്ദര്‍ഭം :
ആരോപണമൊന്നുമല്ല സുഹ്ര്ത്തേ...അറിവിന്റെ വഴികളാണെന്നു പറയുന്ന മതഗ്രന്ഥങ്ങളില്‍, തങ്കള്‍ പറയുന്ന ബുദ്ധിക്കതീതമായ ദൈവം,മനുഷ്യ സ്വഭാവങ്ങള്‍ എല്ലാം പേറിയ ഒരാള്‍ ആണ്‌..മാത്രമല്ല..എല്ലാ പണ്ഡിതരും ദൈവത്തെ അവതരിപ്പിക്കുന്നതും മനുഷ്യന്റെ എല്ലാ സ്വഭാവങ്ങളും ഉള്ള ഒരു സത്വമായിത്തന്നെയാണ്‌..

ബ്ലിന്‍ വിവിധ മതങ്ങള്‍ ദൈവത്തെ അവതരിപ്പിക്കുന്നത് സൂചിച്ചപ്പോള്‍.

ഇയുള്ളവന്‍ നല്‍കിയ മറുപടി :

മതം എന്നാല്‍ അഭിപ്രായം എന്നാണ്. അങ്ങിനെ വന്നാല്‍ നീരീശ്വരവാദവും യുക്തിവാദവും എല്ലാം ഓരോ മതങ്ങളാണ്. ഇവര്‍ക്കെല്ലാവര്‍ക്കും അവരുടെതായ ഗ്രന്ഥങ്ങളുണ്ട്. എല്ലാ മതങ്ങളുടെയും ഗ്രന്ഥങ്ങളെ ന്യായീകരിക്കുക എന്നത് എന്റെ ജോലിയല്ല. ഞാന്‍ എവിടെയാണോ അതിനെ ന്യായീകരിക്കാനെ എനിക്ക് കഴിയുകയുള്ളൂ. ഞാന്‍ തന്നെ പിന്തുടരാത്തതിന് ഉത്തരം നല്‍കാന്‍ എനിക്ക് കഴിയില്ല"

ഇതിന്റെ വിശദീകരണം: പല മതങ്ങളും ദൈവത്തെ അവതരിപ്പിക്കുന്നത് പലതരത്തിലാണ്. യുക്തിവാദികള്‍ക്കും നിരീശ്വരവാദികള്‍ക്കും അവര്‍ തന്നെയാണ് അവരുടെ ദൈവം. ഓരോ മതത്തിന്റെ ആളുകള്‍ അവരുടെതായ രീതിയില്‍ ദൈവത്തെ അവതരിപ്പിക്കുന്നു. എന്നാല്‍ ഞാന്‍ പ്രതിനിധീകരിക്കുന്നത് ഇസ് ലാം മാത്രമാണ്. അതിനെ കുറിച്ച് മാത്രമേ എന്നോട് ചോദിക്കുന്നതില്‍ അര്‍ത്ഥമുള്ളൂ എന്നാണ് ഇയുള്ളവന്‍ സൂചിപ്പിച്ചത്. ( എന്നാല്‍ ഇവിടെ വര്‍ഗ്ഗീയ സ്പ്ലിറ്റുണ്ടാക്കാനും അതില്‍ നിന്ന് മുതലെടുക്കാനും ബോധ പൂര്‍വ്വമായ ശ്രമം താങ്കളുടെ ഭാഗത്ത് നിന്ന് നടക്കുന്നുണ്ടോ എന്നൊരു സംശയം :)).

ഇതു സംബന്ധമായ കമന്റു വരുന്നതിന് മുമ്പുള്ള താങ്കളുടെ അവസാന കമന്റ് താഴെ.


സുശീല്‍ കുമാര്‍ പി പി said...
ചിന്തരോട് ഫയ-ഫക്തി-ഫഹുമാനത്തോടെ:- ഉത്തരം മുട്ടുമ്പോള്‍ കൊഞ്ഞനം കുത്തരുത്. മനുഷ്യ ബുദ്ധിക്കും അപ്പുറമുള്ള കാര്യങ്ങളെക്കുറിച്ച് താങ്കള്‍ നിഗമനത്തിലെത്തിയത് എങ്ങനെയാണ്‌? അതിന്‌ സ്വീകരിച്ച മാനധണ്ടമെന്താണ്‌? മറ്റ് മതക്കാരുടെ വിസ്വാസങ്ങള്‍ താങ്കള്‍ക്ക്‌ സ്വീകാര്യമാകാതിരിക്കുന്നതിന്റെ മാനധണ്ഠമെന്താണ്‌? അറിയാത്ത കാര്യങ്ങളെല്ലാം താങ്കളുടെ ദൈവത്തിന്റെ തന്നെ തലയില്‍ വെക്കുന്നത് എന്തിനാണ്‌. വൈദ്യുതി വന്നപ്പോളാണു ചിന്തകരേ നാട്ടിലെ പ്രേതബാധകളെല്ലാം ഒഴിഞ്ഞത്. ഒരിക്കല്‍ ദൈവങ്ങളെന്ന് മനുഷ്യര്‍ വിശ്വസിച്ച പാമ്പ്, ഇടിമിന്നല്‍, സൂര്യന്‍, ചന്ദ്രന്‍, ഇവയെല്ലാം ശസ്ത്രത്തിന്റെ വെളിച്ചത്തില്‍ ദൈവങ്ങളല്ലാതായി. എന്നാല്‍ അവയെ ഇപ്പോളും ആരാധിക്കുന്നവരുണ്ട്. അവരുടെ വിശ്വാസങ്ങളെ താങ്കള്‍ എങ്ങനെ വിലയിരുത്തുന്നു? ഞാനല്ലാതെ വേറെ ദൈവമില്ലെന്നും മറ്റേതെങ്കിലും ദൈവത്തെ ആരാധിച്ചാല്‍ അവരെ നരകത്തിലിട്ട് ഫ്രൈ ചെയ്യുമെന്നും അല്ലാഹു പറയുന്നു. വഴിയും സത്യവും ജീവനും ഞാന്‍ മാത്രമെന്ന് യേശു പറയുന്നു. എന്നിലൂടെ മാത്രമാണ്‌ മോക്ഷമെന്ന് ശ്രീകൃഷ്ണന്‍(മഹാവിഷ്ണു) പറയുന്നു. ലോകജനസംഖ്യയില്‍ കൂടുതല്‍ കൃസ്ത്യാനികളാണ്‌. ഭൂരിപക്ഷപ്രകാരം സ്വീകരിക്കുകയാണെങ്കില്‍ അവരുടെ അഭിപ്രായം സ്വീകരിക്കണം. എല്ലാം ഒന്നെന്ന് വാദത്തിനുപോലും സമ്മതിച്ചാല്‍ അവയിലെ വൈരുധ്യങ്ങള്‍ മറച്ചുവെക്കേണ്ടിവരും. പിന്നെ നരകശിക്ഷ വേറെയും.

മനുഷ്യയുക്തിക്ക്‌ അപ്പുറമുള്ള കാര്യങ്ങളെ സ്വീകരിക്കുന്നതിന്‌ താങ്കള്‍ സ്വീകരിച്ചിരിക്കുന്ന ആ മാനധണ്‍മെന്താണെന്ന് ദയവായി പറഞ്ഞുതരൂ.

ഇതിനുള്ള മറുപടി കമന്റിന്റെ ഒരു ഭാഗം ഇവിടെ ചേര്‍ക്കാം:

...ഞാന്‍ പറഞ്ഞത് യുക്തിയും ബുദ്ധിയും അവസാനിക്കുന്നേടാത്താണ് വിശ്വാസം ആരംഭിക്കുന്നത് എന്നാണ് വിശ്വാസം ഇല്ലാത്തവര്‍ക്ക് അവിടെ ശൂന്യമാണെന്ന് ധരിക്കാം. ഞാന്‍ അവിടന്നങ്ങോട്ട് ഒരു വിശ്വാസിയാണ്. താങ്കളുടെ‍ നിലപാട് ഇക്കാര്യത്തില്‍ അറിഞ്ഞാല്‍ കൊള്ളാം. മുകളില്‍ ബ്ലിന്നു മായുള്ള എന്റെ ചര്‍ച്ചയും ലിങ്കും താങ്കള്‍ക്കിതേ കുറിച്ചുള്ള എന്റെ നിലപാട് വ്യക്തമാവാന്‍ സഹായിച്ചേക്കാം.

ഇതിന് താങ്കള്‍ ഒരു മറുപടിയും തന്നില്ല.

എന്നാല്‍ ഞാന്‍ ബ്ലിന്നിന് ദൈവത്തെ വിവിധ മതങ്ങള്‍ അവതരിപ്പിക്കുന്നതുമായി ബന്ധപ്പെട്ട് നല്‍കിയ മറുപടി മറ്റൊരു തരത്തിലുള്ള വിശദീകരണം നല്‍കി താങ്കള്‍ കമന്റിട്ടു.

ചിന്തകരേ, നിങ്ങള്‍ കൊത്തിക്കൊത്തി ഒടുവില്‍ കൊത്തേണ്ടിടത്തുതന്നെ കൊത്തിയിരിക്കുന്നു.
തങ്കളില്‍ നിന്ന്‌ ഞാന്‍ കാത്തിരുന്ന മറുപടിയാണിത്. ഈ ലോകത്തില്‍ ഇസ്ലാം മാത്രമല്ല മതം. ഇന്ന് നിലനില്‍ക്കുന്ന മതങ്ങളുടെ എത്രയോ ഇരട്ടി മതങ്ങള്‍ നശിച്ചുപോയിട്ടുണ്ട്.
ഉദാഹരണത്തിന്‌ ഈ ലോകത്തില്‍ നൂറ് മതങ്ങള്‍ ഉണ്ട് എന്നു കരുതുക..............
മതവിശ്വാസികള്‍ തള്ളിക്കളയുന്ന തൊണ്ണൂറ്റൊമ്പത്‌ ദൈവങ്ങളുടെ കൂടെ ബാക്കി വരുന്ന ഒരു ദൈവത്തെക്കോടെ തള്ളേണ്ട പണി മാത്രമേ യുക്തിവാദികള്‍ക്കു വരുന്നുള്ളു. മറ്റു ദൈവങ്ങളെ തള്ളാന്‍ അവര്‍ ഉപയോഗിക്കുന്ന യുക്തിയില്‍ കോടുതലൊന്നും ഇക്കാര്യത്തിന്‌ ആവശ്യമായി വരുന്നുമില്ല....


ഈ ലോകത്തില്‍ ഇസ് ലാം മാത്രമാണ് മതമുള്ളത് എന്ന് ഞാന്‍ എവിടെയെങ്കിലും പറഞ്ഞിട്ടുണ്ടായിരുന്നോ? 99 പേര്‍ സുശീലിനെ വിലയിരുത്തുന്നു എന്ന് വെക്കുക. 100 മത്തെ ഞാന്‍ സുശീലിനെ കുറിച്ചുള്ള എന്റ് വീക്ഷണം പറയുന്നു. 99 പേരുടെ വീക്ഷണങ്ങളെ ഞാന്‍ ന്യയീകരിക്കാണമെന്നോ, അവരുടെ വീക്ഷണങ്ങള്‍ക്കുള്ള ചോദ്യങ്ങളുടെ ഉത്തരം ഞാന്‍ നല്‍കണമെന്നും നിങ്ങളാരെങ്കിലും പറയുമോ? അപ്പോള്‍ മറ്റൊരാള്‍ പറയുന്നു. നിങ്ങള്‍ 99 സുശീലന്‍ മാരെ തള്ളിക്കളയുന്നു. ഞങ്ങള്‍ക്ക് ഒരു സുശീലിനെ കൂടി തള്ളിക്കളയേണ്ട ആവശ്യമേ വരുന്നുള്ളൂ. അതാണ് നിങ്ങള്‍ 100 പേരും ഞങ്ങളും തമ്മിലുള്ള വിത്യാസം എന്ന്. :) എങ്ങിനെ യുണ്ട് വിശദീകരണം. ഇതാണ് യുക്തി‘വാതം‘ :-)



...മതങ്ങളെ കുറിച്ചുള്ള താങ്കളുടെ അറിവിന്റെയും യുക്തിയുടേയും ഒരു ‘ആ‍യം‘ കണ്ടിട്ട് കോരിത്തരിച്ച് പോകുന്നു. ആദ്യം ‘ദൈവം’ എന്നതിന് താങ്കള്‍ ഒരു നിര്‍വ്വചനം പഠിച്ച് വരൂ....
... ...ഏത് മതങ്ങളാണ് ഞങ്ങളുടെത് വേറെ ദൈവമാണെന്നും നിങ്ങളുടേത് വേറെ ദൈവമാണെന്നും പറയുന്നത് എന്ന് വ്യക്തമാക്കിയാല്‍ നല്ലത്.....

സുശീലിന്റെ മറുപടി :

അല്ലാഹുവല്ലാതെ മറ്റേതെങ്കിലും ദൈവത്തെ നിങ്ങള്‍ ആരാധിച്ചാല്‍ അവരെ മാത്രമല്ല അവര്‍ ആരാധിക്കുന്ന ദൈവങ്ങളെയും നരകത്തിലെ വിറകാക്കുമെന്ന് ഖുര്‍ ആനില്‍ തന്നെ പല വട്ടം പറയുന്നുണ്ട്. സംശയം തീരുന്നില്ലെങ്കില്‍ കിതാബ് ഒന്നു എടുത്ത് വായിച്ച് നോക്കണം. എല്ലാ മതങ്ങളും ഒന്നാണെങ്കില്‍ ആ ദൈവത്തെ ആരാധിക്കാന്‍ എന്തിനാണ്‌ ഹേ വെവ്വേറെ അമ്പലങ്ങളും പള്ളികളും ചര്‍ച്ചു‍കളും ഗുരുദ്വാരകളും, പിന്നെ ഒരോ ഗ്രൂപ്പിനും വെവ്വേറെ പള്ളികളും? ഗീര്‍വാണപ്രസംഗം നടത്തുമ്പോള്‍ കുറച്ച് ആത്മാര്‍ഥതയൊക്കെ കാണിക്കണം.
ഇറാഖ് യുദ്ധം നടക്കുമ്പോള്‍ ബുഷ് പറഞ്ഞത് ദൈവം നമ്മുടെ കൂടെയാണ്‌ എന്നാണ്‌. സദ്ദാം ഹുസ്സൈന്‍ പറഞ്ഞത് അല്ലാഹുവിന്റെ നാമത്തിലുള്ള യുദ്ധമാണ്‌ ഇത് എന്നായിരുന്നു. ബാബരിമസ്ജിദ് പോളിക്കുമ്പോള്‍ ഹിന്ദു മതഭ്രാന്തന്മാര്‍ വിളിച്ചിരുന്നത് ജയ് ശ്രീരാം എന്നായിരുന്നു. എല്ലാം ഒന്നാണെന്ന് പറയാനുള്ള താങ്കളുടെ "ഹൃദയവിശാലതയെ" എത്ര
അഭിനന്ദിച്ചാലും മതിവരുന്നില്ല. പക്ഷേ അല്ലാഹു ഇതെല്ലാം കേള്‍ക്കുന്നുണ്ട് എന്നു മറക്കണ്ട.

പിന്നെ ചിന്തകനോട് ഒരു രഹസ്യം, മറ്റാരും കേള്‍ക്കണ്ട. തങ്കളോട്‌ സംവദിക്കുന്നത്‌ നാജിനോട്‌ സംവദിക്കുന്നതിനേക്കാള്‍ വളരെ എളുപ്പമാണ്‌. എല്ലാ പൊയിന്റുകളും നിങ്ങള്‍ തന്നെ തരുന്നുണ്ടല്ലോ. നന്ദി
.

ഒരു സത്യപ്രതിജ്ഞ സംബന്ധിച്ച് ഇയ്യിടെ ഒരു കോടതി വിധി ഉണ്ടായിരുന്നു. അതിന്റെ വിശദാംശങ്ങളിലേക്ക് ഞാന്‍ കടക്കുന്നില്ല. വിഷയം ഇതായിരുന്നു. അല്ലാഹു വിന്റെ പേരില്‍ സത്യപ്രതിജ്ഞ ചെയ്തു. ഭരണ ഘടനപ്രകാരം ദൈവം എന്ന് മാത്രമേ പറയാന്‍ പാടുള്ളൂ. ഭരണഘടനാ ലംഘനമാണെതെന്നായിരുന്നു കേസ് കൊടുത്തവരുടെ ന്യായം.

കോടതി ആ പദത്തെകുറിച്ച് അന്വേഷിച്ചു. അവസാനം വിധിയും വന്നു. അറബിയില്‍ ദൈവത്തിന് പകരമായി ഉപയോഗിക്കുന്ന പദമാണ് അല്ലാഹു. അതായത് അല്ലാഹു എന്നത് മുസ് ലീം ദൈവത്തിന്റെ പേരല്ല. അറബി ഭാക്ഷയില്‍ കൃസ്ത്യാനികളും ജൂതന്മാരും എല്ലാവരും അല്ലാഹു എന്ന് തന്നെയാണ്, ദൈവം,god എന്ന പദങ്ങള്‍ക്ക് പകരമായി ഉപയോഗിക്കുന്നത്. ‘അല്ലാഹു‘ എന്നത് മുസ് ലീം ദൈവത്തിന്റെ പേരായിരുന്നു വെങ്കില്‍ അറബികളിലുള്ള മറ്റു മതക്കാര്‍ അതേ പദം തന്നെ ‘ദൈവം‘ എന്ന പദത്തെ പ്രതിനിധീകരിക്കാന്‍ ഉപയോഗിമായിരുന്നോ ?

ദൈവത്തിന്റെ ഏകത്വത്തെ കാണിക്കാന്‍ ഇത്ര അനുയോജ്യമായ ഒരു പദം വേറെ ഇല്ലാത്തത് കൊണ്ട് മുസ് ലീങ്ങള്‍ ‘അല്ലാഹു‘ എന്ന പദമാണ് കൂടുതല്‍ ഉപയോഗിക്കുന്നത്.

അല്ലാഹുവല്ലാതെ മറ്റേതെങ്കിലും ദൈവത്തെ നിങ്ങള്‍ ആരാധിച്ചാല്‍‘ എന്ന പ്രയോഗം തന്നെ തെറ്റാണ്. മറ്റൊരു അല്ലാഹു കൂടി ഉണ്ടെന്ന് അംഗീകരിക്കുന്നതിന് തുല്യമാണീ പ്രയോഗം.

ഈയുള്ളവന്റെ ഒരു കമന്റും അതിനുള്ള സുശീലിന്റെ മറു കമന്റും

ചിന്തകന്‍ പറയുന്നു:
"ഒരിലപോലും അവനറിയാതെ കൊഴിയുന്നില്ല. പ്രപഞ്ചം ദൈവത്തിന്റെ സമ്പൂര്‍ണ നിയന്ത്രണത്തിലാണ്."

സദ്ദാം ഹുസ്സൈനെ തൂക്കിക്കൊന്നതും, ഗാസയില്‍ മനുഷ്യാധമന്മാര്‍ നിഷ്ടൂരമായ മനുഷ്യക്കുരുതി നടത്തുന്നതും അവന്റെ പ്രത്യേക നിര്‍ദേശപ്രകാരമായിരിക്കണം. ദൈവത്തിനെ ഇത്ര വിലകെടുത്തല്ലേ സാര്‍.


ഇതിനുള്ള ഈയുള്ളവന്റെ മറുപടി:

ഗാസയെ ബന്ധപെടുത്തി ചോദിച്ച അതി ഫയങ്കരമായ ചോദ്യത്തില്‍ ഞാന്‍ ഞെട്ടി വിറച്ച് വിറച്ച് വിറച്ച് ....പനിപിടിച്ച്...
ഇതൊരു കൊഞ്ഞനം കുത്തലായാണ് നമ്മുടെ സുശീലിനഭുവപ്പെട്ടത്. ‘അച്ഛനെവിടെ പോയി എന്ന് ചോദിക്കുമ്പോള്‍ അമ്മ കഞ്ഞി വെക്കുമോ എന്ന് മറു ചോദ്യം ചോദിച്ചാല്‍ നിങ്ങള്‍ എന്ത് പറയും. ഏതായാലും അത്രയൊന്നും ഞാന്‍ പറഞ്ഞില്ല. :) ഈ കമന്റ് കണ്ടിട്ടെങ്കെലും സുശീലിന്റെ പൊട്ടയുക്തിയൊന്ന് തെളിഞ്ഞാലോ എന്ന് വെച്ച് എഴുതി പോയതാണ്. ക്ഷമിക്കണേ :)

സുശീലിന്റെ മറ്റൊരു കമന്റ് :

ചിന്തകന്‍ പറയുന്നു: "വല്ല ഒന്നാം ക്ലാസിലെ കുട്ടികളോടും സംവദിക്കാന്‍ പോയാല്‍ .. ഇതിലും എത്രയോ ഭേദം അതായിരുന്നു :)
- കാര്യം പറയുമ്പോള്‍ ചൂടാകല്ലേ സാര്‍. കൂള്‍ ഡൗണ്‍.


സമൈലിയിട്ടാല്‍ ഇനിമുതല്‍ ചൂടായാണെന്നാണര്‍ത്ഥം കെട്ടോ!!! ഇങ്ങനെ പോയാല്‍ യുക്തിവാദികളുമായി താരതമ്യം ചെയ്താല്‍ ഒന്നാം ക്ലാസിലെ കുട്ടി കേസ് കൊടുക്കും :) :) :) (മൂന്ന് ചൂടാകല്‍ ഇട്ടിട്ടുണ്ട് കെട്ടോ)


സുശീലിന്റെ മറ്റൊരു കമന്റ്:-

.....പിന്നെ ചിന്തകനോട് ഒരു രഹസ്യം, മറ്റാരും കേള്‍ക്കണ്ട. തങ്കളോട്‌ സംവദിക്കുന്നത്‌ നാജിനോട്‌ സംവദിക്കുന്നതിനേക്കാള്‍ വളരെ എളുപ്പമാണ്‌. എല്ലാ പൊയിന്റുകളും നിങ്ങള്‍ തന്നെ തരുന്നുണ്ടല്ലോ. നന്ദി......
...ഓടി വരൂ നാജ്, എവിടെ പലരും വിയര്‍ത്ത് സമനില തെറ്റുന്നുണ്ട്. അതോ പഹയന്‍ അനുഭവിക്കട്ടെ എന്നു കരുതി മിണ്ടാതിരിക്കുകയാണോ?.....

ഇനിയും നാജ് വേണോ സുശീല്‍ജീ‍ീ‍ീ‍ീ..... എല്ലാ പോയ്ന്റുകളും ഞാന്‍ തന്നെ തരുന്നില്ലേ? :-)